BREVIA

BREVIA

in Glossis-Graeco Latinis Magici Characteres, in brevibus descripti, quos secum deferre solent, qui iis utuntur. Vide in vocibus Character, Ligatura, Ligula, Magia, Nodus, Phylacterium. Quid autem apud recentioris Aevi Scriptores Breve vocetur, diximus

in hac voce, plura vero vide apud Car. du Fresne in Glossar. et Macros Fratres in Hierolex. nec non infra, in voce Brevis. Hinc Brevium conscriptio, divinationis species, quae fiebat pet duas pluresve epistolas seu schedulas, sub Altaris palla confuse positas, quatum una affirmationem, altera negatienem rei, de qua dubitabatur, continebat. Quarum illa, quae post folennes preces ac ieiunia indicta, capienti occurreret, pro iudicio divino habebatur. Memorata Gregorio Turonen. de Vitis Patrum c. 9. Tunc pro hospitio quodam Brevibus conscriptis posuit super Altare, vigilans et orans tribus noctibus, ut quid ei Dominus iuberet, dignaretur manifestissinie declarare. Sed pietatis aivinae inclita miseratio, quae eum praesciens eremitam esse decreverat, etc. Cumusmodi ςτοιχειομαντίας exemplum, et Baldricus habet Chronici Camerac. l. 1. c. 21, ubi de contentione pro corpore S. Leodigarii, quod sibi tres Episcopi vindicabant, Pictavensis, Augustodunensis et Atrebatensis; plura vero alia reperias, apud Annam Comnenam l. 10. et 15. Pachymerem l. 7. c. 13. et Durandum Ration. l. 5. c. 2. n. 5. laudatos Car. du Fresne, ubi de Sortibus Sanctorum. Vide quoque Legem Frisonum tit. 14. § 1.